Police recruitment paper leak tu Doctor man, STF chuan hma an la
Uttar Pradesh-ah a awm a ni. STF chuan Uttar Pradesh Police Recruitment Exam Paper Leak case-ah doctor pakhat an man. STF atanga thu dawn danin, Bihar a Dr. Shubham Mandal chu STF-a Meerut unit-in an man tawh a ni. STF thuchhuah tarlan danin, “Mandal hi Ahmedabad-a warehouse-a exam question paper dah chu leak-tu puh gang-ah a tel a ni,” a ti. Meerut-a STF chuan Shubham-a chu thu zawhfiah turin an lo call tawh a, hemi hnu hian an man ta a ni. Police-te sawi danin, Dr. Shubham Mandal hi interstate gang-a tel a ni a, sorkar recruitment exam-na paper leak a ni. Thu dawn danin, he man hi police-in ruahmanna siamtu pathum man an nih thu an puan hnu ni khatah a thleng a ni.
Paper siamna company-a thawk tawh kha a ni. An pathum hian company-a thawktu ṭhenkhat nen February thla kar hmasa khan Uttar Pradesh Police recruitment paper chu an lo leak tawh a ni. Police-te chuan paper-te hi printing press aṭanga ‘strong room’-a an lak lai leh Gujarat-a Ahmedabad-a warehouse-a dah a nih laiin paper-te hi a leak niin an sawi. Mandal hi Meerut-a STF unit-in an ko a, thu zawhfiah hnuah an man ta a ni. Police-te sawi danin, tunah hian he thubuaia man zat hi mi 55 an tling tawh a ni. Ni 17th leh 18th February-a state chhunga constable lakna exam chu paper leak vangin cancel a ni tih kan hrilh ang che u. He thil thleng hnu hian Uttar Pradesh sorkar chuan chhui chian leh endik leh turin thupek a lo chhuah tawh a, a hnuah Renuka Mishra chu Uttar Pradesh Police Recruitment and Promotion Board Chairman a nihna aṭangin paih a ni. Tunah chuan UP STF chuan he thil hi an chhui mek a ni.
