Assam-ah kum 2 chhungin ram dodalna thila puh mi 390 man an ni
Guwahati (IANS) a ni. Assam Chief Minister Himanta Biswa Sarma chuan, tun hnai kum hnih leh a chanve chhung khan Assam-ah mi 390 tal man an ni tawh a, hei hi ram dodalna emaw, extremist emaw thila inhnamhnawih nia sawi a ni.
Tun assembly session neih mekah Congress MLA Abdur Rashid Mandal zawhna chhangin, mi 390 zinga mi 52 chu Kokrajhar, Udalguri 43, Dima Hasao 40, Barpeta 38, Tinsukia 30, Baksa district-a mi 29 man an nih thu a sawi.
Chief Minister chuan hemi hun chhung vek hian ran tawlhruk kaihhnawih thubuaiah mi 2,942 man an ni a, hmeichhe tawlhruk kaihhnawihah mi 434 man an ni bawk.
Hetihlai hian state chhung hmun hrang hrangah ruihhlo tawlhruk thubuaiah mi 11,624 man an ni tawh a, ruihhlo cheng nuai 2,817.85 hu man a ni tawh bawk.
Sarma chuan hemi hun chhung vek hian bawng lu 27,858 chhanchhuah a nih thu leh smuggler-te hnen aṭanga laksak a nih thu a sawi.
Hei bakah hian bawng tawlhruk kaihhnawihah Nagaon district-ah mi 486, Guwahati-ah mi 287, Kokrajhar-ah mi 241, South Salmara-ah mi 235, Dhubri-ah mi 234, Kamrup-ah mi 192, Golaghat-ah mi 157, Sonitpur-ah mi 135 man an ni tawh tih a sawi leh Vishwanath district-ah mi 101 a awm bawk a, hren a ni tawh bawk.
