‘Pushpa 2’ aṭanga Fahad Faasil look tihchhuah a ni
Mumbai (IANS) a ni. Malayalam star Fahadh Faasil piancham pualin a film thar tur ‘Pushpa: The Rule’ siamtute chuan film aṭanga a hmel lan dan an pholang.
Kum 2021 December thlaa tlangzarh leh blockbuster lian tak ni thei film ‘Pushpa: The Rise’ part hmasa berah Fahad hian film part hnihnaah Pushpa- Pushparaj character nena inkah buaitu policeman Bhanwar Singh Shekhawat a chang a. ready for .
Poster-ah hian actor hian bald look-in cigarette a in lai a lang. Savun jacket leh sunglass a ha a. Poster hi thisen sen hring hring (blood red shade) monotone color hmanga khat a ni.
Makers te hian Fahad Faasil duhsakna an hlan a, caption-ah chuan, “Team ‘Pushpa 2: The Rule’ chuan thiam tak Fahad Faasil hi Happy Birthday lawmpuina kan hlan a ni. Bhanwar Singh Shekhawat Sir chu phuba lakna nen screen lianah a rawn lang leh dawn a ni,” tiin an ziak.
Fahadh hian ‘Pushpa: The Rise’-a a chang khan mipui zingah chhinchhiahna thai bo theih loh a hnutchhiah a ni. Tunah chuan a sequel nen hian Pushpa leh Bhanwar Singh Shekhawat te inkarah mega-clash a awm dawn a ni.
‘Pushpa: The Rise’ hi India rama hri leng vawi thumna laia box-office hit a nih avangin hriat hlawh ber a ni. A tlangzarh lai hian hripui leng vangin India khawpui hrang hranga theatre-te chu khar a ni.
He film hian ‘Spider-Man: No Way Home’ leh Ranveer Singh starrer ’83 te chu a la hneh thei tho a, box-office-ah pawh pakhatna a ni.
‘Pushpa: The Rule’-ah Sukumar hian director hna a chelh leh dawn a, Allu Arjun leh Rashmika Mandanna te pawh a chang dawn bawk.
Mythri Movie Makers leh Muttamsetty Media te siam niin, December 22, 2023 hian tlangzarh tura ruahman a ni.
