‘Sakhaw zawng zawng intluktlanna’ tibuaitute chu a tuar lo ang: Pramod Sawant
Panaji (IANS) a ni. Mahatma Gandhi piancham puala programme buatsaihah thu a sawi a, Goa Chief Minister Pramod Sawant chuan ‘Sakhaw zawng zawng intluktlanna’ kawnga daltu siamtute chu a vaukhân a ni. Chief Minister chuan state chhunga ‘Equality of all religions’ mi tu emaw a tibuai a nih chuan kawngpuiah chhuak lova, sorkar rinna nei turin mipuite a ngen.
Sawant hian Old Goa-a inkhawm buatsaihah Mahatma Gandhi piancham puala a zahna a hlan hnuah mipuite hnenah thu a sawi a ni.
Sawant chuan, “Goa-ah hian kum tam tak kalta atang khan sakhaw zawng zawng intluktlanna a lo awm tawh a. Mahse tunlai hian tu emaw chuan tihbuai a tum a ni.
Mi pakhatin Shivaji lim chu a sawichhia a ni. Kohhran puithiam hian Hindu sakhua kalh zawngin thu a sawi a, social media-ah mi pakhatin Muslim dodalna thu a post bawk.
Sawant chuan, “Hetiang thil thleng hnu hian mipui an buai a, police station an thleng a, mipui hmaah an pungkhawm thin. Sorkar hi ring tlat ang che. Police-te chuan Shivaji lim hmusittute chu an man tawh a ni. Hindu pathian dodalna thu sawi apiang lakah complaint thehluh a ni. Social media-a Muslim-te laka thu posttute lakah FIR ziahluh a ni.
Sawant chuan, “Mipuiin kawngpuiah chhuah ai chuan sorkar hi an ring zawk tur a ni. Sakhaw zawng zawng zinga kan intluktlanna tibuaitu tur chu kan tuar lovang.
Tun hnaiah Sawant hian mipuite chu remna vawng reng turin a ngen a, mi ṭhenkhatin ‘Sarva Dharma Sambhav’ tih dan tihbuai an tum thu a sawi.
Heti hian a sawi belh a, “Mi thenkhat chuan kan state chhunga sakhaw zawng zawng intluktlanna kalpui dan hi tihchhiat an tum a ni. Sakhaw tinrenga kût hman hi kan hnam danah a ni. Kan inkhawmna hmunah kan kal a, lawmna hun kan hmang a. He tradition hi kan vawng reng a ngai a ni.
Sawant chuan, “Hindu, Kristian leh Muslim-te hi kan khawsa dun a, he hnam dan hi kan vawng reng a ngai a ni. Ganesh Chaturthi-ah Kristiante kan inah an lo kal a, Krismas lai hian an in kan tlawh \hin. He tradition hi kum tam tak a lo awm tawh a ni. Mahse, mi thenkhat chuan sabotage an tum niin ka hria. Remna leh inunauna vawng reng turin mitin ka ngen a che u.
