India ram state 3-ah lirnghing a nghing
New Delhi . Nimin khan India ramah a zawnin ni thumna atan lirnghing hi hriat a ni. Vawiin hian ram chhunga lirnghing hrang hrang pathum avangin lei a nghing mek a ni. A hmasain Karnataka-ah lirnghing a nghing a, chumi hnuah Chhattisgarh-ah leh a tawpah Uttarkashi, Uttarakhand-ah lirnghing a nghing tih hriat a ni. Eng lirnghing lai pawhin nunna leh bungrua hloh a la awm lo hi a vannei hle. Ṭhenawm ram Pakistan leh Myanmar-ah te pawh lirnghing na tak a awm tih hriat a ni bawk.
National Center for Seismology chhinchhiah danin, nimin tlai dar 2:13 khan Karnataka khawpui Bellary-ah lirnghing na lo tak a thleng a, a nasat dan chu 2.8 a ni. Tichuan Chhattisgarh-a Janjgir Champa-ah lirnghing a lo nghing ta a. Dar 3:40-a lirnghing nasatna chu 2.9 a ni. Minute 16 i.e. tlai dar 3:56 hnuah Uttarkashi, Uttarakhand-ah lirnghing a thleng a, a nasat ber chu 2.4 a ni.
Hemi hma hian Inrinni zan dar 12:45 vel khan India ramah lirnghing a lo awm tawh bawk. He lirnghing thlenna hmun hi China ramah a ni. A lirnghing na tak chu North India-ah pawh Delhi-NCR telin hriat a ni. Mahse, nunna leh bungrua hloh a awm lo. Hemi hnu hian India ramah pawh Thawhlehni khan lirnghing a thleng bawk. He lirnghing hi Andaman leh Nicobar-ah a thleng a ni. Inrinni tlai dar 6:51 khan Andaman leh Nicobar-ah lirnghing a nghing tih hriat a ni. A chakna chu Richter scale-ah 4.3 a ni.
